Pm Kisan Beneficiary : पीएम किसान सन्मान निधी योजना केंद्र सरकार राबवत आहे. शेतकऱ्यांना आर्थिक फायदा मिळवून देणे हा या योजनेचा उद्देश आहे. या योजनेंतर्गत सरकारने आतापर्यंत 15 हप्ते शेतकऱ्यांना दिले आहेत. आता 28 फेब्रुवारी 2024 रोजी 16 वा हप्ताही शेतकऱ्यांच्या खात्यावर येईल. या दिवशी पंतप्रधान नरेंद्र मोदी डीबीटीद्वारे देशभरातील शेतकऱ्यांच्या खात्यात हा हप्ता पाठवतील.
पीएम किसान योजनेंतर्गत शेतकऱ्यांना वार्षिक 6 हजार रुपये दिले जातात. ही रक्कम दर चार महिन्यांनी शेतकऱ्यांना हप्ता म्हणून दिली जाते. प्रत्येक हप्त्यामध्ये शेतकऱ्यांच्या खात्यात 2 हजार रुपये येतात. गेल्या वेळी सरकारने 27 नोव्हेंबर 2024 रोजी 15 वा हप्ता जारी केला होता. आता सरकारने 16 वा हप्ता जारी करण्याची तारीखही जाहीर केली आहे.
सरकारने देशातील सर्व शेतकऱ्यांसाठी ही योजना सुरू केली आहे. कोणत्याही वर्गातील शेतकरी या योजनेचा लाभ सहज घेऊ शकतात. मात्र, या योजनेचा लाभ घेण्यासाठी शेतकऱ्यांना ई-केवायसी आणि जमीन पडताळणी करणे आवश्यक आहे. ज्या शेतकऱ्यांनी ई-केवायसी आणि जमीन पडताळणी केली नाही ते 16 व्या हप्त्याच्या लाभापासून वंचित राहतील.
